Sverðin slíðruð á Stamford Bridge

Romelu Lukaku hefur viðurkennt að hann hafi gert mistök og kveðst ekki ætla að yfirgefa Chelsea á þessu ári eins og útlit virtist fyrir eftir ummæli hans í viðtali við Sky Italy sem birt var rétt fyrir áramótin.

Sky Sports segir að eftir fundahöld Lukakus og Thomas Tuchels, knattspyrnustjóra Chelsea, í dag hafi sverðin verið slíðruð. Lukaku hafi viðurkennt að hann hefði ekki átt að láta í ljós í umræddu viðtali að hann vildi helst komast aftur til Inter Mílanó.

Frétt af mbl.is

Ósáttur við að Lukaku sé ósáttur

Hann ætli að leggja allt sitt að mörkum til að koma Chelsea betur inn í baráttuna um enska meistaratitilinn á næstu mánuðum, sala frá félaginu hafi ekki verið rædd og hann muni hvorki fara frá Chelsea nú í janúarmánuði eða næsta sumar.

• Blogga um frétt