Gerrard fékk fyrrverandi liðsfélaga

Brasilíski knattspyrnumaðurinn Philippe Coutinho er að genginn til liðs við enska úrvalsdeildarfélagið Aston Villa á láni. Þetta tilkynnti félagið á samfélagsmiðlum sínum í dag.

Coutinho, sem er 29 ára gamall, kemur til Aston Villa á láni frá Barcelona en hann og Steven Gerrard, stjóri Villa, léku saman hjá Liverpool frá 2013 til ársins 2015.

Coutinho gekk til liðs vð Barcelona frá Liverpool í janúar 2018 fyrir 140 milljónir punda en hefur engan vegin náð sér á strik á Spáni.

Aston Villa mun borga hluta af launum Coutinho en hann var á meðal launahæstu leikmanna spænska liðsins

Gerrard tók við stjórnartaumunum hjá Aston Villa undir lok síðasta árs en Villa er með 22 stig í þrettánda sæti deildarinnar.

• Blogga um frétt