Leikmaður United sakaður um gróft heimilisofbeldi (myndir)

Mason Greenwood, knattspyrnumaður Manchester United, gæti verið í vandræðum eftir að kærasta hans Harriet Robson birti myndir á Instagram þar sem hún greinir frá heimilisofbeldi.

Robson birti myndir af sárum sem hún segir að sé eftir ofbeldi frá Greenwood. Á myndunum má sjá stóra marbletti og blóðugt andlit. Þá birti hún hljóðupptöku þar sem maður, sem virðist vera Mason Greenwood, er að beita hana kynferðisofbeldi.

Manchester United hefur sent frá sér yfirlýsingu vegna málsins þar sem kemur fram að félagið viti af myndum sem eru í dreifingu á samfélagsmiðlum og að félagið fordæmi alls kyns ofbeldi. Félagið mun ekki tjá sig frekar á meðan málið er í rannsókn. 

Greenwood hefur áður lent í vandræðum utanvallar en hann var sendur heim frá Íslandi úr landsliðsferð árið 2020 fyrir að hitta tvær íslenskar konur þegar harðar samkomutakmarkanir voru í gildi.

Hér fyrir neðan má sjá fjórar af myndunum sem Robson birti á Instagram en þær eru ekki fyrir viðkvæma. 

• Blogga um frétt