Jóhann ekki tilbúinn

Jóhann Berg Guðmundsson missir í kvöld af sínum öðrum leik í röð með Burnley þegar lið hans tekur á móti Manchester United í ensku úrvalsdeildinni í knattspyrnu.

Jóhann fékk botnlangakast í síðustu viku og gat ekki leikið með Burnley gegn Watford á laugardaginn og hann er í sömu stöðu fyrir leikinn í kvöld. Fram að því hafði Jóhann leikið alla átján leiki Burnley í deildinni á þessu keppnistímabili.

Leikur Burnley og Manchester United hefst klukkan 20 á Turf Moor.

• Blogga um frétt