Svarar fjölmiðlum fullum hálsi

Harry Maguire, fyrirliði enska knattspyrnufélagsins Manchester United, birti áhugaverða færslu á samfélagsmiðlinum Twitter í morgun.

Frétt af mbl.is

Mikil valdabarátta í búningsklefa United

Breski miðillinn Mirror greindi frá því í morgun að Maguire og Cristiano Ronaldo væru að berjast um fyrirliðabandið hjá félaginu og að mikil óeining ríkti í búningsklefa liðsins.

Mikið hefur verið fjallað um málefni enska félagsins að undanförnu en Gary Neville sakaði leikmenn liðsins um að leka upplýsingum um það sem gerist í búningsklefa United í fjölmiðla á dögunum.

„Ég hef séð margar fréttir sem snúa að málefnum Manchester United sem eru ekki réttar, né sannar, og hér er ein þeirra,“ sagði Maguire og vísaði þar í frétt Mirror frá því í morgun.

„Ég ætla ekki að tjá mig um hverja einustu frétt sem skrifuð er en ég þurfti að koma þessu frá mér og á framfæri.

Það eina sem við erum að hugsa um er leikurinn á sunnudaginn og við stöndum þétt saman,“ bætti Maguire við.

• Blogga um frétt