Nýliðarnir vilja markvörð United

Nott­ing­ham For­est, sem vann sér inn sæti í ensku úr­vals­deild­inni í knatt­spyrnu karla í lok síðasta mánaðar, hef­ur hafið viðræður við Manchester United um mögu­leik­ann á því að fá enska markvörðinn Dean Hend­er­son á láni fyr­ir næsta tíma­bil.

BBC Sport grein­ir frá.

Hend­er­son lék aðeins þrjá leiki í öll­um keppn­um á síðasta tíma­bili og þar af eng­an í úr­vals­deild­inni. Tíma­bilið þar á und­an lék hann 26 leiki í öll­um keppn­um fyr­ir United og þar á und­an stóð hann sig vel á láni hjá Sheffield United er hann lék 36 af 38 leikj­um liðsins í úr­vals­deild­inni tíma­bilið 2019/​2020.

Þar sem leikj­un­um hef­ur farið fækk­andi und­an­far­in tíma­bil gæti Hend­er­son verið að hugsa sér til hreyf­ings.

For­est sér fram á að missa mögu­lega Brice Sam­ba, sem var aðal­markvörður liðsins á ný­af­stöðnu tíma­bili, frá sér í sum­ar þar sem hann hef­ur ekki viljað skrifa und­ir fram­leng­ingu á samn­ingi sín­um sem renn­ur út sum­arið 2023.

• Blogga um frétt