Bellamy kominn til Burnley

Craig Bella­my, fyrr­ver­andi landsliðsmaður Wales og leikmaður með m.a. Li­verpool og Manchester City, er kom­inn til Burnley þar sem hann mun aðstoða nýja knatt­spyrn­u­stjór­ann Vincent Komp­any.

Þeir Bella­my og Komp­any þekkj­ast vel en þeir léku sam­an með City og Bella­my var síðan aðstoðar­stjóri með Komp­any hjá And­er­lecht í Belg­íu þar sem hann stýrði einnig U21 árs liði fé­lags­ins.

Bella­my, sem verður 43 ára í næstu viku, lék með Norwick, Co­ventry, Newcastle, Celtic, Blackburn, Li­verpool, West Ham, Manchester City og Car­diff á löng­um ferli sem leikmaður og skoraði 135 mörk í 458 deilda­leikj­um. Þá skoraði hann 19 mörk í 78 lands­leikj­um fyr­ir Wales.

Jó­hann Berg Guðmunds­son er meðal leik­manna Burnley og hef­ur verið í röðum fé­lags­ins í sex ár en það féll úr úr­vals­deild­inni í vor.

• Blogga um frétt