Félaginu kunnugt um ásakanir um nauðgun síðasta haust

Knatt­spyrnu­fé­lag­inu sem ónefnd­ur leikmaður í ensku úr­vals­deild­inni, sem hand­tek­inn var í vik­unni grunaður um nauðgun, var kunn­ugt um ásak­an­ir í garð hans um aðra nauðgun síðastliðið haust.

The Guar­di­an grein­ir frá.

Leikmaður­inn, sem hef­ur ekki verið nefnd­ur í bresk­um fjöl­miðlum vegna þarlendra laga, var hand­tek­inn á heim­ili í Norður-Lund­ún­um á mánu­dag­inn vegna gruns um nauðgun konu á þrítugs­aldri í júní á þessu ári.

Lög­reglu­yf­ir­völd í Bretlandi gáfu það svo út dag­inn eft­ir að leikmaður­inn hafi verið hand­tek­inn að nýju vegna gruns um tvær nauðgan­ir til viðbót­ar, þar sem ein önn­ur kona á þrítugs­aldri á í hlut.

Á annað þeirra til­vika við um þá ásök­un sem The Guar­di­an grein­ir frá að fé­lag­inu hafi verið kunn­ugt um síðastliðið haust.

Hon­um var sleppt laus­um gegn trygg­ingu þar til í ág­úst á þessu ári eft­ir að hafa setið í gæslu­v­arðhaldi í 30 klukku­stund­ir.

Leikmaður­inn er 29 ára gam­all, lék reglu­lega með liði sínu á síðasta tíma­bili og er lyk­ilmaður hjá þjóð sinni sem er á leið á HM 2022 í Kat­ar sem hefst í nóv­em­ber næst­kom­andi.

Fé­lagið vildi ekki tjá sig um málið við The Guar­di­an.

• Blogga um frétt