Leggur skóna á hilluna aðeins þrítugur

Enski knatt­spyrnumaður­inn Jack Wils­h­ere hef­ur til­kynnt að hann sé bú­inn að leggja skóna á hill­una, aðeins þrítug­ur að aldri.

Wils­h­ere lék síðast með AGF í dönsku úr­vals­deild­inni þar sem hann var liðsfé­lagi ís­lensku landsliðsmann­anna Jóns Dags Þor­steins­son­ar og Mika­els And­er­sons.

Hann kom fram á sjón­ar­sviðið árið 2008 og hóf að leika með aðalliði Arsenal, þá aðeins 16 ára gam­all, og þótti þá einn allra efni­leg­asti leikmaður sem Eng­land hafði átt um ár­araðir.

Wils­h­ere lék 197 leiki og skoraði 14 mörk í öll­um keppn­um fyr­ir Arsenal frá 2008 til 2018 en fer­ill hans markaðist af tíðum meiðslavand­ræðum.

Und­ir lok fer­ils­ins var farið að fjara und­an og fékk hann til að mynda ekki nýj­an samn­ing hjá Bour­nemouth á síðasta ári og ekki held­ur hjá AGF í sum­ar.

Í til­kynn­ingu á Twitter-aðgangi sín­um kvaðst Wils­h­ere stolt­ur af því sem hann hafi náð að áorka á ferl­in­um þar sem hann vann til að mynda ensku bik­ar­keppn­ina í tvígang með upp­eld­is­fé­lagi sínu Arsenal og lék með enska landsliðinu á tveim­ur stór­mót­um, HM 2014 og EM 2016, en væri þó leiður yfir því hvernig fer­ill­inn þróaðist und­an­far­in ár.

• Blogga um frétt