Annar leikmaður City á leið til Chelsea

Nath­an Aké, varn­ar­maður Manchester City, Eng­lands­meist­ara í knatt­spyrnu, er á leið aft­ur til Chel­sea eft­ir að hafa spilað með fé­lag­inu á unglings­ár­un­um. 

Guar­di­an seg­ir frá. Aké gekk til liðs við Chel­sea frá Feyenoord árið 2010 þegar hann var aðeins 15 ára gam­all. Hann spilaði lítið með liðinu og var lánaður til Rea­ding, Wat­ford og Bour­nemouth áður en hann gekk end­an­lega til liðs við síðast­nefnda fé­lagið árið 2017.

Manchester City kló­festi hol­lenska landsliðsmann­inn árið 2020 og varð hann tvisvar Eng­lands­meist­ari og einu sinni deilda­bikar­meist­ari und­ir stjórn Pep Guar­di­ola, nú síðast á síðustu leiktíð.

Chel­sea hef­ur þegar náð sam­komu­lagi við Manchester City um kaup á Raheem Sterl­ing á 47,5 millj­ón­ir punda.

Ant­onio Rudiger og Andreas Christen­sen yf­ir­gáfu her­búðir Chel­sea í sum­ar. Rudiger gekk til liðs við Real Madrid og Christen­sen fór til Barcelona og því mik­ill skort­ur á varn­ar­mönn­um hjá Thom­as Tuchel og fé­lög­um. Þá er framtíð Cés­ar Azpilicu­eta hjá þeim blá­klæddu enn óráðin.

• Blogga um frétt