Maguire heldur fyrirliðabandinu og ten Hag heldur Ronaldo

Erik ten Hag hélt sinn fyrsta blaðamanna­fund sem knatt­spyrn­u­stjóri Manchester United í Ban­kok en liðið er þar statt í æf­inga­ferð. Hann seg­ir Ronaldo ekki til sölu og að Harry Maguire haldi fyr­irliðaband­inu.

Liðið er statt í æf­inga­ferð og á æf­inga­leik gegn Li­verpool á morg­un en er án marka­hæsta leik­manns liðsins síðasta tíma­bil, Cristiano Ronaldo.

Mik­il óvissa rík­ir um framtíð Ronaldo en sagt er að hann sé óánægður hjá United meðal ann­ars vegna þess að liðið náði ekki sæti í Meist­ara­deild­inni. Manchester United hef­ur þó haldið því fram að leikmaður­inn sé ekki til sölu og tók ten Hag und­ir það á blaðamanna­fund­in­um. 

„Hann er ekki með okk­ur vegna fjöl­skyldu­ástæðna. Við erum að plana með Ronaldo fyr­ir þetta tíma­bil. Ég hlakka til að vinna með hon­um og við vilj­um ná ár­angri sam­an," seg­ir ten Hag. Einnig seg­ir hann að þeir hafi talað sam­an og það hafi verið gott sam­tal en hann vildi ekki gefa upp hvað var rætt.

Erik ten Hag gaf það út að Harry Maguire muni halda fyr­irliðaband­inu næsta tíma­bil þrátt fyr­ir köll um breyt­ing­ar frá stuðnings­mönn­um. Aðspurður hvað ger­ir Maguire rétt­an fyr­ir hlut­verkið seg­ir ten Hag „Ég verð að kynn­ast öll­um leik­mönn­un­um og það tek­ur tíma.

Hann hef­ur verið fyr­irliði liðsins í nokk­ur ár núna og hef­ur náð mikl­um ár­angri svo ég ef­ast ekki um þetta mál." Meðal ann­ars hef­ur verið spurn­ing hvort Ronaldo myndi taka við band­inu en svo virðist ekki vera.

• Blogga um frétt