Liverpool og United mætast í dag

Ensku knatt­spyrnuliðin Li­verpool og Manchester United mæt­ast í dag í Bang­kok í Taílandi þar sem liðin eru stödd í æf­inga­ferð. Tveir leik­menn sem Li­verpool fékk í leik­manna­glugg­an­um, þeir Fabio Car­val­ho og Darw­in Nu­nez eru í hópn­um. Þetta er fyrsti leik­ur Erik ten Hag sem knatt­spyrn­u­stjóri United.

Manchester United hef­ur fengið einn leik­mann í viðbót frá síðasta tíma­bili og það er vinstri bakvörður­inn Tyr­ell Malacia svo hóp­ur­inn er svipaður og þegar liðin mætt­ust í vet­ur. Nema í hóp­inn vant­ar stór­stjörn­una og marka­hæsta leik­mann liðsins síðasta tíma­bil, Cristiano Ronaldo og enn er óvíst hvort hann verði hjá United á tíma­bil­inu.

Paul Pogba er einn af þeim sem yf­ir­gaf fé­lagið en hann gekk aft­ur í raðir Ju­vent­us. Samn­ing­ar fram­herj­ana Ed­in­son Ca­vani og Jessie Lingard runnu út í sum­ar en þeir eru eins og staðan er núna án fé­lags.

Erik ten Hag sagði fyr­ir leik­inn: „Við erum rétt að byrja, sum­ir leik­menn hafa ein­ung­is verið að æfa núna í eina viku og núna verðum við að byggja upp lið og leikstíl. Við erum kom­in stutt inn í tíma­bilið. Við höf­um áorkað eitt­hvað en við verðum að þróasat mun meira. Manchester United fer í alla leiki til þess að vinna þá og við mun­um byrja með það í huga.“

Sa­dio Mané, Di­vock Origi og Takumi Minam­ino eru þrír leik­menn sem voru í leik­manna­hópi Li­verpool í síðustu tveim leikj­um sem liðin mætt­ust en þeir hafa nú yf­ir­gefið fé­lagið en Fabio Car­val­ho og Darw­in Núnez hafa komið og er Car­val­ho í byrj­un­arliði.

Úrslit leikj­anna á síðasta­tíma­bili voru 5:0 fyr­ir Li­verpool þegar liðin mætt­ust á Old Trafford og 4:0 fyr­ir Li­verpool þegar liðin mætt­ust á An­field og Sa­dio Mané skoraði loka­markið í seinni leikn­um.

Byrj­un­arliðið hjá bæði Li­verpool og United fyr­ir leik­inn voru til­kynnt á Twittersíðum liðana:

Li­verpool spil­ar í nýj­um vara­bún­ingi sín­um sem var sýnd­ur fyrst á sam­fé­lags­miðlum í dag:

Fyrsta byrj­un­arlið Manchester United und­ir stjórn Erik ten Hag og end­ur­koma krag­ans á bún­ing þeirra:

Af­mæl­is­strák­ur dags­ins Luke Shaw byrj­ar í vinstri bakv­arðar­stöðunni fram yfir Tyr­ell Malacia.

Mikið af stuðnings­mönn­um mæta á leik­inn fyr­ir bæði lið í Taílandi.

Nhac Nguyen/​AFP

• Blogga um frétt