Engin útgönguleið fyrir Ronaldo

Thom­as Tuchel, knatt­spyrn­u­stjóri Chel­sea hef­ur ekki áhuga á að fá Cristiano Ronaldo í leik­manna­hóp­inn sinn. Cristiano Ronaldo er sagaður vera óánægður hjá Manchester United og var orðaður við Chel­sea. United náði ekki sæti í meist­ara­deild­inni á síðasta ári en þar vill Ronaldo vera.

Chel­sea nældi sér í sókn­ar­mann­inn Raheem Sterl­ing í gær sem var efst­ur á óskalista Thuchle. Hann sagði í viðtali við Sky Sports að það að fá ann­an sókn­ar­mann væri ekki í for­gangi held­ur að fá varn­ar­mann. Chel­sea missti miðverðap­arið Ant­onio Rudiger og Andreas Christen­sen frá sér til Spán­ar í leik­manna­glugg­an­um.

Stórliðin PSG, Bayern München og núna Chel­sea hafa þá öll hafnað því að fá 37 ára gamla fyr­irliða Portú­gals í sín­ar raðir sam­kvæmt Daily Mail og íþróttaf­rétta­mann­in­um Fabrizo Romano. Öll þessi lið spila í Meist­ara­deild­inni á næsta tíma­bili en United á sæti í Evr­ópu­deild­inni.

Manchester United er statt í Taílandi í æf­inga­ferð og er án stór­stjörn­unn­ar Ronaldo. Það er vegna fjöl­skyldu ástæðna en 10 dag­ar eru frá því þegar Ronaldo hefði átt að mæta á fyrstu æf­ing­una sína til baka eft­ir frí.

Ronaldo á líka að hafa fengið samn­ings­boð upp á 250 millj­ón punda fyr­ir tvö tíma­bil með fé­lagi frá Sádí-Ar­ab­íu sam­kvæmt Daily Mail. Umboðsmaður hann á einnig bón­us í því boði upp á 20 millj­ón pund. Ekki er vitað hvort hann taki því þar sem hann er sagður vilja lið í Meist­ara­deild­inni.

• Blogga um frétt