Guardiola: Það er ekki satt!

Pep Guar­di­ola, knatt­spyrn­u­stjóri Manchester City, neit­ar orðróm­un­um um að fé­lag hans hafi áhuga á bras­il­íska snill­ingn­um Neym­ar Jr. 

Franski miðil­inn Le Parisien greindi frá því að PSG hefði boðið City að fá Neym­ar og að enska fé­lagið hefði áhuga á Bras­il­íu­mann­in­um. 

Guar­di­ola sagði þó í viðtali við Skysports að ekk­ert væri til í þess­um orðróm­um:

„Mér þykir það leitt fyr­ir Le Parisien en þetta er ekki satt. Mér þykir það leitt því upp­lýs­ing­arn­ar sem miðil­inn lak eru ekki rétt­ar.

Neym­ar er stór­kost­leg­ur leikmaður og ,frá því sem ég hef heyrt, frá­bært ná­ungi. Svo látið hann vera. Leyfið hon­um að sýna hæfi­leika sína í Par­ís ásamt Li­o­nel Messi og öll­um hinum stjörn­un­um sem eru í liðinu. 

Það virðist vera svo að við erum orðaðir við alla leik­menn sem til eru, en þið vitið að það er ekki rétt,“ sagði Guar­di­ola að lok­um. 

• Blogga um frétt