Liverpool að endurheimta menn – Arthur meiddur

Li­verpool mæt­ir Arsenal í stór­leik helgar­inn­ar í ensku úr­vals­deild­inni í knatt­spyrnu. Gengi liðanna í upp­hafi tíma­bils hef­ur verið ansi ólíkt en Arsenal er á toppi deild­ar­inn­ar á meðan Li­verpool hef­ur gengið mjög brösu­lega.

Jür­gen Klopp, knatt­spyrn­u­stjóri Li­verpool tjáði sig um meiðsli leik­manna sinna á blaðamanna­fundi fyr­ir leik helgar­inn­ar. Þar seg­ir hann miðju­mann­inn Curt­is Jo­nes vera að nálg­ast end­ur­komu en hann sé byrjaður að æfa.

Skoski bakvörður­inn Andy Robert­son er einnig að snúa til baka en þó er ör­lítið lengra í hann en Jo­nes. Ólík­legt sé að þeir verði með um helg­ina. 

Aðeins lengra er í þá Alex Oxla­de-Cham­berlain og Naby Keita en þeir eru þó á réttri leið í end­ur­komu sinni.

Þá greindi Klopp frá því að miðjumaður­inn Arth­ur Melo sé einnig kom­inn á meiðslalist­ann en hann tognaði á síðustu æf­ingu fyr­ir leik liðsins gegn Ran­gers í Meist­ara­deild­inni í vik­unni. Arth­ur hef­ur ein­ung­is leikið 13 mín­út­ur fyr­ir aðallið Li­verpool en hann hef­ur verið að koma sér í betra stand.

Arth­ur Melo. AFP/​Linds­ey Parna­by

• Blogga um frétt