Arsenal sigraði Liverpool í stórleiknum

Arsenal sigraði Li­verpool 3:2 í stór­leik ensku úr­vals­deild­ar­inn­ar í knatt­spyrnu á Emira­tes-leik­vang­in­um í London í dag.

Gabriel Mart­inelli skoraði fyrsta mark Arsenal og Bukayo Saka skoraði bæði annað og þriðja markið, sem reynd­ist vera sig­ur­mark leiks­ins. Li­verpool jafnaði met­in í tvígang með mörk­um frá Darw­in Nu­nez og Roberto Fir­mino en lengra komst liðið ekki.

Arsenal er á toppi ensku úr­vals­deild­ar­inn­ar með 24 stig en Li­verpool í tí­unda sæti með 10 stig en á reynd­ar leik til góða á efstu liðin. Li­verpool mæt­ir Manchester City á An­field eft­ir viku á meðan Arsenal heim­sæk­ir Leeds.

Það er óhætt að segja að Arsenal hafi byrjað bet­ur í leikn­um en heima­menn komust yfir eft­ir 58 sek­úndna leik þegar Bukayo Saka bar bolt­ann upp í skynd­isókn og lagði hann á Mart­in Ødega­ard. Ødega­ard stakk bolt­an­um inn fyr­ir á Gabriel Mart­inelli sem renndi hon­um und­ir Al­isson í marki Li­verpool, 1:0.

Li­verpool jafnaði met­in á 34. mín­útu en þá setti Darw­in Nu­nez bolt­ann í netið af stuttu færi. Trent Al­ex­and­er-Arnold átti skemmti­lega háa send­ingu inn fyr­ir vörn Arsenal á Luis Diaz sem sendi fast­an bolta með jörðinni inn í teig­inn og Darw­in Nu­nez var rétt­ur maður á rétt­um stað og potaði bolt­an­um fram hjá Rams­dale og í nær­hornið, 1:1.

Í viðbót­ar­tíma í fyrri hálfleik átti Arsenal frá­bæra skynd­isókn sem endaði með því að Gabriel Mart­inelli fór fram­hjá varn­ar­mönn­um Li­verpool og lagði bolt­ann inn í markteig­inn á Bukayo Saka, sem átti ekki í vand­ræðum með að stýra bolt­an­um í netið á fjær­stöng­inni af stuttu færi, 2:1 og þannig stóðu leik­ar í leik­hléi.

Roberto Fir­mino kom inn á sem varamaður fyr­ir Luis Diaz und­ir lok fyrri hálfleiks og hann jafnaði met­in á 53. mín­útu úr góðri sókn, þar sem marg­ir tóku þátt í upp­bygg­ing­unni, sókn­inni lauk með lúmskri stungu­send­ingu frá Di­ogo Jota inn á Roberto Fir­mino, sem bara get­ur ekki hætt að skora. Bras­il­íu­maur­inn lagði bolt­ann snyrti­lega í fjær­hornið fram hjá Aaron Rams­dale í marki Arsenal, 2:2.

Roberto Fir­mino fagn­ar jöfn­un­ar­marki sínu að hætti húss­ins. AFP/​Ian Kingt­on

Það var svo á 76. mín­útu sem heima­menn skoruðu sig­ur­mark leiks­ins. Gabriel Jes­us er tek­inn niður í teign­um en Thiago, miðjumaður gest­anna, virt­ist hafa sparkað í hann þegar hann var í skot­inu. Bukayo Saka fór á punkt­inn. Al­isson fór í rétt horn en skotið var ut­ar­lega og nokkuð fast, 3:2.

Liðsmenn Li­verpool reyndu hvað þeir gátu til að jafna leik­inn en vörn Arsenal hélt og niðurstaðan góður heima­sig­ur sem verður að telj­ast nokkuð sann­gjarn. Li­verpool var meira með bolt­ann en Arsenal var hættu­legri aðil­inn og skapaði sér fleiri færi.

Gabriel Mart­inelli, sókn­ar­maður Arsenal, fagn­ar fyrsta marki leiks­ins, sem Bras­il­íumaður­inn knái skoraði strax á 1. mín­útu leiks­ins. AFP/​Ian Kingt­on

Arsenal	3:2	Li­verpool	Opna lýs­ingu Loka
90. mín. Li­verpool halda uppi ágæt­is pressu og Elliot fer niður í teign­um en ekk­ert dæmt, sem virðist vera rétt metið hjá Oli­ver. Press­an held­ur áfram en henni lýk­ur með því að Saliba skall­ar bolt­ann aft­ur á Rams­dale.
Gabriel Martinelli (1. mín.) Bukayo Saka (45. mín.) Bukayo Saka (76. mín.) Mörk Darwin Núnez (34. mín.) Roberto Firmino (53. mín.) Martin Ödegaard (45. mín.) Spjöld Luis Díaz (7. mín.) Joe Gomez (71. mín.) mín. 90 Leik lokið Michael Oliver flautar leikinn af þegar tæpar 8 mínútur eru komnar fram yfir venjulegan leiktíma. Góður sigur Arsenal á Liverpool á Emirates og þó nokkuð sanngjarn, lokatölur 3:2. 90 Það kæmi ekki á óvart að viðbótartíminn yrði lengdur nokkuð því hann hefur mikið til farið í skiptingar og fundahöld hjá Michael Oliver. 90 Fábio Vieira (Arsenal) kemur inn á 90 Bukayo Saka (Arsenal) fer af velli 90 Oliver fer í mikil fundahöld með knattspyrnustjórunum tveimur. Þeir virðast hvorugur skilja upp né niður. 90 Eddie Nketiah (Arsenal) kemur inn á 90 Gabriel Jesus (Arsenal) fer af velli 90 Fimm mínútum er bætt við venjulegan leiktíma. 90 Liverpool halda uppi ágætis pressu og Elliot fer niður í teignum en ekkert dæmt, sem virðist vera rétt metið hjá Oliver. Pressan heldur áfram en henni lýkur með því að Saliba skallar boltann aftur á Ramsdale. 87 Það verður að viðurkennast að Arsenal virðast líklegri til að halda út en Liverpool að jafna leikinn en liðsmenn Jurgen Klopp hafa oft sýnt karakter, m.a. tvisvar sinnum komið til baka í dag. Við spyrjum að leikslokum. 82 Kieran Tierney (Arsenal) kemur inn á 82 Martin Ödegaard (Arsenal) fer af velli 81 Harvey Elliott (Liverpool) kemur inn á 81 Diogo Jota (Liverpool) fer af velli 78 Vel gert hjá Arsenal sem hafa komist yfir í þrígang hér í dag. Nú er að sjá úr hverju liðsmenn Liverpool eru gerðir. 76 MARK! Bukayo Saka (Arsenal) skorar úr víti 3:2 Alisson fer í rétt horn en skotið er utarlega og nokkuð fast. 74 Arsenal fær víti Jesus er tekinn niður í teignum. Thiago virðist hafa sparkað í hann þegar hann var í skotinu. 73 Arsenal (Arsenal) á skot sem er varið Alisson ver í tvígang. Mikil orrahríða að marki Liverpool. 72 Xhaka með sendingu eða skot sem varnarmenn Liverpool komast fyrir áður en Alisson handsamar knöttinn í marki gestanna. 71 Joe Gomez (Liverpool) fær gult spjald Fyrir að tefja. 69 Fabinho (Liverpool) kemur inn á 69 Mohamed Salah (Liverpool) fer af velli Salah virðist ekki allt of sáttur við þessa breytingu. Hann hefur ekki verið upp á sitt allra besta á þessari leiktíð. 69 Ibrahima Konaté (Liverpool) kemur inn á 69 Joel Matip (Liverpool) fer af velli 64 Arsenal heldur uppi ágætri pressu sem endar með því að Tomiyasu á fyrirgjöf á fjær þar sem Saka lúrði og kom boltanum yfir Alisson þar sem Liverpool tókst að bjarga á línu. Flaggið fór svo á loft en Saka virtist hafa fengið boltann í höndina. 62 Granit Xhaka (Arsenal) á skot framhjá Svisslendingurinn með skot hátt yfir vinstra megin úr teignum. 58 Huga þarf að Gabriel Jesus, sem fékk högg í andlitið. Algjört óviljaverk hjá Tsimikias. 56 Arsenal fær hornspyrnu White vinnur hornspyrnu frá hægri. Alisson slær hornið frá. 53 MARK! Roberto Firmino (Liverpool) skorar 2:2 Liverpool er að jafna. Góðri sókn, þar sem margir tóku þátt í uppbyggingunni, lauk með lúmskri stungusendingu frá Jota inn á Roberto Firmino, sem bara getur ekki hætt að skora. Hann lagði hann snyrtilega í fjærhornið fram hjá Aaron Ramsdale í marki Arsenal. 50 Martin Ödegaard (Arsenal) á skot sem er varið Ødegaard með laust skot beint á Alisson úr teignum. 46 Joe Gomez (Liverpool) kemur inn á 46 Trent Alexander-Arnold (Liverpool) fer af velli Alexander-Arnold varð fyrir hnjaski á ökkla í fyrri hálfleik og það er ljóst að hann mun ekki leika seinni hálfleikinn. 46 Seinni hálfleikur hafinn Arsenal byrja með boltann í seinni hálfleiknum. 45 Hálfleikur Michael Oliver flautar til leikhlés hér á Emirates. Heimamenn leiða með einu marki. Það er ekki hægt að segja annað en að forysta Arsenal sé sanngjörn þó Liverpool hafi átt sín tækifæri. 45 MARK! Bukayo Saka (Arsenal) skorar 2:1 Frábær skyndisókn sem endar með því að Martinelli fer framhjá varnarmönnum Liverpool og leggur boltann inn í markteiginn og Saka á ekki í vandræðum með að stýra boltanum í netið á fjærstönginni af stuttu færi. 45 Martin Ödegaard (Arsenal) fær gult spjald Ødegaard stöðvar Jota úti á kantinum. 45 Arsenal fær hornspyrnu Arsenal fær hornspyrnu hér á lokamínútum fyrri hálfleiks. Hornspyrnunni er lyft inn á teiginn en Liverpool kemur hættunni frá. Arsenal ná upp smá pressu í kjölfarið en Liverpool vinna boltann til baka að lokum. 45 Fimm mínútum er bætt við venjulegan leiktíma í fyrri hálfleik. Hugað hefur þurft að bæði Aaron Ramsdale í marki Arsenal og Trent Alexander-Arnold í varnarlínu Liverpool. Þá þurfti Luis Diaz að fara að velli vegna meiðsla. 44 Lið Arsenal heldur boltanum ágætlega þessar mínúturnar og er ógnandi af og til. 42 Roberto Firmino (Liverpool) kemur inn á Roberto Firmino, sem hefur verið iðinn við kolann í markaskorun á tímabilinu, kemur inn á í stað Kólumbíumannsins. 42 Luis Díaz (Liverpool) fer af velli Luis Diaz getur ekki haldið leik áfram en hann hefur orðið fyrir hnjaski í tvígang með nokkurra mínútna millibili. 38 Liverpool hefur verið ferskari aðilinn hér síðustu mínúturnar. Það er greinilegt að markið hefur gefið liðinu góða orku. 34 MARK! Darwin Núnez (Liverpool) skorar 1:1 Darwin Nunez setur hann af stuttu færi. Trent á skemmtilega háa sendingu innfyrir vörn Arsenal á Luis Diaz sem sendir fastan bolta með jörðinni inn í teiginn og Darwin Nunez er réttur maður á réttum stað og potar boltanum fram hjá Ramsdale og í nærhornið. 32 Mohamed Salah (Liverpool) á skot framhjá Salah keyrir inn í teiginn frá hægri og á skot rétt fram hjá nærstönginni eftir ágætis sóknaruppbyggingu gestanna. 30 Liverpool (Liverpool) á skot sem er varið Saliba kemst í boltann á undan Diaz sem var kominn í ákjósanlegt færi en hann potar boltanum í átt að eigin marki og Ramsdale þarf að hafa sig allan við til að verja skotið. 26 Darwin Núnez (Liverpool) á skot sem er varið Virgil Van Dijk skallar frá fyrirgjöf Arsenal og lið Liverpool geysist upp völlinn. Sóknin endar með skoti úr teignum frá Nunez sem Ramsdale ver ágætlega. 22 Gabriel Martinelli fer á Trent Alexander-Arnold hér vinstra megin í vítateig gestanna og virðist stíga á ökklan á honum. Algjört óviljaverk en bakvörður Liverpool virðist hafa fundið vel fyrir þessu. 18 Heimamenn virðast hafa ágætis tök á leiknum en lið Liverpool er þó alltaf skeinuhætt. 15 Saliba fær boltann í höndina innan eigin vítateigs og myndbandsdómarar skoða atvikið án þess að vítaspyrna verði niðurstaðan. 13 Xhaka með skot sem Alisson ver en flaggið fer upp vegna rangstöðu. 12 Virgil van Dijk (Liverpool) á skalla sem fer framhjá 12 Liverpool fær hornspyrnu Liverpool vinnur hornspyrnu sem Trent Alexander-Arnold tekur frá hægri. Van Dijk nær skallanum en boltinn svífur yfir mark Arsenal. 11 Aaron Ramsdale kveinkar sér og Matt Turner varamarkvörður er að gera sig kláran til öryggis. 10 Það er mikill hraði í þessu og boltinn ferðast markanna á milli. 7 Luis Díaz (Liverpool) fær gult spjald Luis Diaz fær gult spjald fyrir að stöðva skyndisóknina. 6 Liverpool fær hornspyrnu Ekkert verður úr hornspyrnunni og Arsenal sækir hratt. 6 Darwin Núnez (Liverpool) á skot sem er varið Nunez með skot sem varnarmenn Arsenal komast fyrir. Hornspyrna. 3 Markið var skoðað af mynbandsdómurum vegna hugsanlegrar rangstöðu en niðurstaðan var sú að markið fékk að standa. Það verður áhugavert að sjá hvernig Liverpool mun bregðast við þessu höggi hér strax í upphafi leiks. 1 MARK! Gabriel Martinelli (Arsenal) skorar 1:0 Gabriel Martinelli er að skora eftir 58 sekúndur og vandræðagangur Liverpool heldur áfram. Frábært mark. Saka bar boltann upp í skyndisókn og lagði hann á Ødegaard sem stakk honum inn fyrir á Martinelli og Brasilíumaðurinn gerir engin mistök og rennir honum undir Alisson í marki Liverpool. 1 Leikur hafinn Leikurinn er hafinn hér á Emirates. Liverpool byrjar með boltann. 0 Mikel Arteta, knattspyrnustjóri Arsenal, hafði orð á því fyrir leik að hann vildi sjá miðvörðinn sterka, Ben White, komast í landsliðshóp Englands fyrir HM. White mun leika í hægri bakverði í dag og hefur gert undanfarið. Arteta segir að White myndi henta vel að leika hægra megin rétt eins og í miðri vörninni fyrir land og þjóð. Hugsanlega munu meiðsli Kyle Walker gera hans möguleika meiri á að komast í hópinn fyrir HM í Katar. Arteta sagði að lokum að White sé fullur sjálfstraust, gefi alltaf allt sitt í leikina og skilji allt eftir inn á vellinum. Þá sagði þjálfarinn spænski að White væri alltaf heill og hafi sýnt mikið hugrekki undir pressu. 0 Jurgen Klopp, knattspyrnustjóri Liverpool, sagðist í viðtlai fyrir leikinn í dag ekki vilja meina að vandamál Liverpool tengdist hans stjórnunarstíl sem hefur oft verið talað um sjö ára hringrás. Klopp hefur verið við stjórnvölinn í sjö ár en störfum hans hjá bæði Dortmund og Mainz í Þýskalandi lauk á sjöunda tímabili. Hann segir ekki hægt að bera aðstæður hans þá og nú saman. Þetta snerist ekki um að ég hafi misst orku og ég hafði ekki skipulagt þetta fyrirfram heldur. Mainz þurfti að breytingu að halda og hjá Dortmund misstum við leikmenn til annarra liða reglulega, sem gerði okkur erfiðara fyrir. Hann sagðist skilja umræðuna en benti á að ef hugsað væri betur út í aðstæðurnar þá sæi fólk að vandamál Liverpool séu af öðrum toga. 0 Klopp gerir aftur á móti þrjár breytingar á byrjunarliði Liverpool. Luiz Diaz, Diogo Jota og Darwin Nunez byrja allir í dag en Fabinho, Roberto Firmino og Fabio Carvalho taka sér sæti á tréverkinu. Það má því búast við því að Liverpool stilli upp í 4-2-3-1 leikkerfið í dag en það gafst ágætlega í Meistaradeildinni í vikunni. 0 Mikel Arteta gerir eina breytingu á byrjunarðilinu frá sigrinum gegn Tottenham í síðustu umferð. Oleksandr Zinchenko tekur engan þátt í dag vegna meiðsla og Takehiro Tomiyasu kemur inn í vinstri bakvörðinn. 0 Arsenal er í öðru sæti deildarinnar með 21 stig, tveimur stigum á eftir Manchester City. Liverpool er í tíunda sæti með tíu stig. 0 Góðan dag og verið velkomin með mbl.is í beina textalýsingu frá stórleik Arsenal og Liverpool í ensku úrvalsdeildinni í fótbolta. Sjá meira Sjá allt Arsenal: (4-3-3) Mark: Aaron Ramsdale. Vörn: Ben White, William Saliba, Gabriel Magalhaes, Takehiro Tomiyasu. Miðja: Martin Ödegaard (Kieran Tierney 82), Thomas Partey, Granit Xhaka. Sókn: Bukayo Saka (Fábio Vieira 90), Gabriel Jesus ( Eddie Nketiah 90), Gabriel Martinelli. Varamenn: Matt Turner (M), Kieran Tierney, Eddie Nketiah, Rob Holding, Cédric Soares, Fábio Vieira, Albert Sambi Lokonga, Reiss Nelson, Marquinhos. Liverpool: (4-5-1) Mark: Alisson. Vörn: Trent Alexander-Arnold (Joe Gomez 46), Joel Matip (Ibrahima Konaté 69), Virgil van Dijk, Kostas Tsimikas. Miðja: Mohamed Salah (Fabinho 69), Jordan Henderson, Thiago Alcantara, Diogo Jota (Harvey Elliott 81), Luis Díaz (Roberto Firmino 42). Sókn: Darwin Núnez. Varamenn: Caoimhín Kelleher (M), Joe Gomez, Fabinho, Ibrahima Konaté , James Milner, Roberto Firmino, Harvey Elliott, Fábio Carvalho, Nat Phillips. Skot: Arsenal 6 (5) - Liverpool 7 (5) Horn: Arsenal 2 - Liverpool 2. Lýsandi: Ólafur Pálsson Völlur: Emirates-völlurinn Leikur hefst 9. okt. 2022 15:30 Aðstæður: Dómari: Michael Oliver Aðstoðardómarar: Stuart Burt og Simon Bennett

• Blogga um frétt