Ronaldo með 700. markið

Cristiano Ronaldo skoraði í dag sitt 700. mark fyr­ir fé­lagslið í fót­bolt­an­um þegar hann kom Manchester United yfir gegn Evert­on, 2:1, í leik liðanna sem nú stend­ur yfir á  Good­i­son Park í Li­verpool.

Ronaldo kom inn á sem varamaður fyr­ir Ant­hony Martial, sem meidd­ist, á 29. mín­útu og skoraði á 44. mín­útu. Þetta er hans fyrsta mark í úr­vals­deild­inni á þessu tíma­bili en hann hafði áður gert eitt mark fyr­ir United í Evr­ópu­deild­inni.

Mörk­in eru fimm fyr­ir Sport­ing Lissa­bon, 450 fyr­ir Real Madrid, 101 fyr­ir Ju­vent­us og nú 144 fyr­ir Manchester United. 

Ronaldo er eini leikmaður­inn í sög­unni sem hef­ur náð að skora 700 mörk fyr­ir fé­lagslið og hann á að auki 117 mörk fyr­ir landslið Portú­gals sem er marka­met í lands­leikj­um í heim­in­um. Hann er því sam­tals með 817 mörk á ferl­in­um.

Li­o­nel Messi, aðal­keppi­naut­ur­innn, er með 691 mark fyr­ir fé­lagslið og 90 fyr­ir landslið, eða 781 mark sam­tals. Pelé er síðan þriðji með 679 mörk fyr­ir fé­lagslið og 83 fyr­ir landslið, 762 sam­tals, en Bras­il­íu­menn telja hann hins­veg­ar vera lang­hæst­an vegna fjölda marka í alls kyns sýn­ing­ar­leikj­um með Santos á sín­um tíma.

• Blogga um frétt