Fyrirliði Liverpool gæti verið í vandræðum

Enska knatt­spyrnu­sam­bandið hef­ur hafið rann­sókn á hegðun Jor­d­ans Hend­er­sons, fyr­irliða Li­verpool, í leik liðsins gegn Arsenal í ensku úr­vals­deild­inni á sunnu­dag­inn var.

Hend­er­son og Gabriel Mag­al­haes, varn­ar­maður Arsenal, rif­ust heift­ar­lega á vell­in­um eft­ir að Arsenal fékk víti í seinni hálfleik. Hend­er­son fannst vítið harður dóm­ur og sakaði hann Gabriel Jes­us, fram­herja Arsenal, um að hafa farið auðveld­lega niður inn­an teigs.

Upp úr því varð til rifr­ildi á milli Hend­er­sons og Gabriels. Michael Oli­ver, dóm­ari leiks­ins, fór að hliðarlín­unni og ræddi við stjóra beggja liða eft­ir at­vikið. Þá ræddi Oli­ver við báða leik­menn eft­ir leik.

Enska knatt­spyrnu­sam­bandið hef­ur lítið viljað gefa út um at­vikið eða hvað ná­kvæm­lega sé verið að rann­saka. Ein­hverj­ir ensk­ir miðlar hafa greint frá mögu­leg­um ras­isma hjá Hend­er­son í garð Gabriels og að upp­taka hjá stuðnings­manni gefi til kynna að um ras­isma sé að ræða.

• Blogga um frétt