Mason Greenwood, knattspyrnumaður Manchester United, er laus úr gæsluvarðhaldi gegn tryggingu. Greenwood hafði áður verið úrskurðaður í gæsluvarðhald þar til mál hans fer fyrir dóm í næsta mánuði, en eftir áfrýjun hefur honum verið sleppt úr haldi.
Hann kom fyrir rétt í Manchester í gær vegna ákæru fyrir meintar tilraunir til nauðgunar, ógnandi hegðunar og árása á fyrrverandi unnustu sína. Í kjölfarið var honum neitað um lausn gegn tryggingu, sem nú hefur verið breytt.
Greenwood hefur verið laus gegn tryggingu og í farbanni undanfarna mánuði en hann var handtekinn vegna málsins í janúar á þessu ári. Hann var handtekinn á ný á laugardaginn fyrir að brjóta gegn forsendum þess að vera frjáls ferða sina.
Greenwood er uppalinn hjá United og á að baki 129 leiki fyrir félagið í öllum keppnum þar sem hann hefur skorað 35 mörk og lagt upp önnur tólf. Þá á hann að baki einn A-landsleik fyrir England.