Stórsigrar Leicester og Villa – Leeds í fallsæti

Leicester kom sér upp úr fallsæti í ensku úr­vals­deild­inni í fót­bolta með afar sann­fær­andi 4:0-útisigri á Wol­ves í grannslag í dag.

Leicester byrjaði með mikl­um lát­um því Youri Tielem­ans og Har­vey Barnes skoruðu báðir á fyrstu 20 mín­út­un­um. James Madd­i­son bætti við marki á 65. mín­útu og Jamie Var­dy gull­tryggði afar sann­fær­andi sig­ur Leicester.

Ast­on Villa kom sér einnig upp úr fallsæti með heima­sigri á Brent­ford með sömu marka­tölu, 4:0.

Leon Baley kom Villa yfir strax á 2. mín­útu og Danny Ings bætti við tveim­ur mörk­um á 7. og 14. mín­útu. Var staðan í hálfleik því 3:0. Ollie Watkins gull­tryggði sann­fær­andi sig­ur Villa-manna á 59. mín­útu.

Ful­ham sendi Leeds niður í fallsæti með 3:2-sigri á El­l­and Road. Leeds byrjaði þó bet­ur, því Rodrigo skoraði fyrsta mark leiks­ins á 20. mín­útu.

Sex mín­út­um síðar jafnaði Al­exs­and­ar Mitrovic. Bobby Reid bætti við öðru marki á 74. mín­útu og Willi­an tryggði sig­ur Ful­ham-manna á 84. mín­útu. Crysencio Sum­merville lagaði stöðuna fyr­ir Leeds í upp­bót­ar­tíma.

Leeds er fyr­ir vikið í 18. sæti, tveim­ur stig­um frá ör­uggu sæti eft­ir ell­efu leiki.

• Blogga um frétt