Tel mig eiga heima í HM-hópnum

Call­um Wil­son, sókn­ar­maður Newcastle United, tel­ur að hann eigi skilið sæti í loka­hóp enska karla­landsliðsins í knatt­spyrnu fyr­ir HM 2022 í Kat­ar í næsta mánuði.

Wil­son hef­ur leikið vel í fremstu víg­línu hjá Newcastle, þar sem liðið er nú í fjórða sæti ensku úr­vals­deild­ar­inn­ar.

Hef­ur hann skorað fjög­ur mörk og lagt upp eitt til viðbót­ar í deild­inni til þessa.

Wil­son hef­ur ekki leikið lands­leik fyr­ir Eng­land frá því á ár­inu 2019 og var síðast í leik­manna­hópn­um und­ir lok þess árs. Því er ekki víst að hann sé inni í mynd­inni hjá Ga­reth Southga­te landsliðsþjálf­ara.

Fari svo að hann verði ekki val­inn kvaðst Wil­son munu una þeirri ákvörðun en tel­ur að hann kæmi til með að nýt­ast enska landsliðinu vel.

„Ég ef­ast ekk­ert um getu mína. Ég tel að ég bjóði upp á eitt­hvað öðru­vísi sam­an­borið við hina fram­herj­ana.

Ég tel að ef þú ert þjálf­ari vilj­irðu hafa ólík­ar teg­und­ir af leik­mönn­um til þess að taka þátt í mis­mun­andi leikj­um.

Ég tel að ef ég held áfram að spila vel og held mér heil­um þá ætti ég að vera í hópn­um,“ sagði Wil­son í sam­tali við Sky Sports.

• Blogga um frétt