Leyfum okkur ekki að fagna of lengi

Aaron Danks, knatt­spyrn­u­stjóri Ast­on Villa til bráðabirgða, sagði á frétta­manna­fundi fyr­ir leik liðsins gegn Newcastle í ensku úr­vals­deild­inni á morg­un, að liðið geti ekki fagnað 4:0 sigr­in­um á Brent­ford um síðustu helgi of lengi.

„Newcastle er gott lið. Eddie Howe hef­ur gert virki­lega vel með liðið. Þeir eru sig­ur­strang­legri en við erum spennt­ir fyr­ir áskor­un­inni. Þú get­ur ekki leyft þér að fagna of lengi. Enska úr­vals­deild­in er mis­kunn­ar­laus og þú þarft að vera ein­beitt­ur á leik­ina og upp­leggið hverju sinni,“ sagði Danks.

Danks tók við eft­ir að Steven Gerr­ard var lát­inn fara í síðustu viku. Til­kynnt var um ráðningu Unai Emery fyrr í vik­unni. Danks seg­ir alla inn­an fé­lags­ins spennta fyr­ir ráðning­unni.

„Stuðnings­menn ættu að vera spennt­ir. Menn geta horft á hvað hann hef­ur áorkað og titl­ana sem hann hef­ur unnið. Við erum mjög spennt fyr­ir því að bjóða hann vel­kom­inn til fé­lags­ins.“

Frétt af mbl.is

Emery ráðinn til Ast­on Villa

• Blogga um frétt