Þetta er undir Ronaldo sjálfum komið

Erik ten Hag, knatt­spyrn­u­stjóri Manchester United, sagði á frétta­manna­fundi í dag að það væri und­ir Cristiano Ronaldo sjálf­um komið hvort hann myndi ná sama flugi á ný og hann gerði á síðasta tíma­bili.

Ronaldo hef­ur verið á vara­manna­bekkn­um í flest­um leikj­um í deild­inni hjá ten Hag en byrjaði inn á og skoraði í Evr­ópu­deild­inni í gær­kvöld. 

Spurður um mögu­leika Ronaldos á að ná  sér aft­ur á strik með liðinu sagði Hol­lend­ing­ur­inn: „Það er und­ir hon­um sjálf­um komið en ef þú tek­ur sam­an þau mark­tæki­færi sem hann skap­ar, þau færi sem liðið hef­ur skapað fyr­ir hann und­an­farn­ar vik­ur, þá sést vel að hann er enn full­fær um að koma sér í rétt­ar stöður, og full­fær um að nýta fær­in. Ég tel að hann geti það.“

Hann kvaðst held­ur ekki gera grein­ar­mun á deild­ar­leikj­um og Evr­ópu­leikj­um. „Ég veit að sum­ir horfa á þetta þannig en ég er ekki með eitt Evr­ópulið og annað úr­vals­deild­arlið. Ég skoða mót­herj­ann, og hvað hent­ar gegn hon­um hverju sinni. Nú er ein­beit­ing­in öll á West Ham á sunnu­dag­inn. Við verðum með byrj­un­arlið, og  síðan með plan B eða plan C klárt til að vinna leik­inn. Það er það sem þetta snýst allt um, að vinna leiki, og til þess þurf­um við ekki bara ell­efu leik­menn held­ur all­an hóp­inn," sagði ten Hag.

Manchester United tek­ur á móti West Ham á sunnu­dag­inn klukk­an 16.15.

• Blogga um frétt