Íþróttir | Enski boltinn | mbl | 11.2.2023 | 14:37

Jafntefli í Lundúnum

Emerson jafnar metin fyrir West Ham í dag.
Emerson jafnar metin fyrir West Ham í dag. AFP/Ian Kington

Lundúnaliðin West Ham og Chelsea skildu jöfn í hádegisleik ensku úrvalsdeildarinnar, 1:1.

Chelsea byrjaði leikinn betur en Joao Felix skoraði mark sem dæmt var réttilega af vegna rangstöðu áður en hann skoraði mark sem fékk að standa á 18. mínútu eftir undirbúning Enzo Fernández.

Kai Havertz skoraði fyrir Chelsea á 22. mínútu en hann var einnig dæmdur rangstæður svo markið fékk ekki að standa.

Á 28. mínútu jafnaði West Ham metin þegar Emerson skoraði eftir undirbúning Jarrod Bowen.

Staðan var 1:1 þegar Craig Pawson flautaði fyrri hálfleikinn af.

Lítið markvert gerðist framan af í seinni hálfleik þar til varamaðurinn Tomas Soucek skoraði mark sem var síðan dæmt af með myndbandsdómgæslu.

Lokatölur á Lundúnaleikvanginum, 1:1.

Joao Felix kemur Chelsea yfir í dag.
Joao Felix kemur Chelsea yfir í dag. AFP/Ian Kington
mbl.is
Fleira áhugavert
Fátt nýtt í stefnuræðu Kristrúnar „Ljóst mál að fólk mætir í vinnuna á morgun“ „Núna byrja svona alvöru þreifingar“ Erfitt að lesa Morgunblaðið í gær
Fleira áhugavert
„Ljóst mál að fólk mætir í vinnuna á morgun“ Talaði um Guð, djöfulinn og Jesú við handtöku Styrkjamálið á borð þingnefndar Styrkjamáli ekki lokið