City á toppinn eftir sigur á Arsenal
Setja bókamerki
Manchester City er komið á topp ensku úrvalsdeildarinnar í knattspyrnu eftir sigur á Arsenal, 3:1, í toppslag deildarinnar á Emirates-vellinum í Lundúnum í kvöld. Fyrir leik var Arsenal á toppi deildarinnar en með sigrinum komst City á toppinn.
Fyrri hálfleikurinn var með skemmtilegra móti og fengu bæði lið góð færi. Kevin De Bruyne kom City yfir á 24. mínútu en hann komst þá inn í lausa sendingu Takehiro Tomyiasu til baka og kláraði frábærlega yfir Aaron Ramsdale í marki Arsenal. Heimamenn fengu svo vítaspyrnu eftir rúmlega 40 mínútur þegar Eddie Nketiah komst inn fyrir vörn Arsenal og Ederson, markvörður City, tók hann niður. Nketiah var í þröngu færi en úthlaup Ederson var ekki gott og vítaspyrna dæmd. Bukayo Saka fór á punktinn og skoraði af miklu öryggi. Í uppbótartíma fyrri hálfleiks átti Nathan Aké svo sláarskot en skalli Rodri fór af tánni á Aké og í þverslánna af stuttu færi. Staðan í hálfleik var því 1:1.
Seinni hálfleikurinn var aðeins lokaðri en sá fyrri en minna var um góð færi. Á 72. mínútu komst City aftur yfir en Jack Grealish skoraði þá með góðu skoti frá vinstra vítateigshorni. Gabriel átti þá slaka hreinsun sem leiddi til þess að Ilkay Gundogan fékk boltann og lagði hann út til vinstri á Grealish.
Á 82. mínútu var það svo markavélin Erling Braut Haaland sem skoraði þriðja mark City í leiknum en hann fékk boltann þá frá Kevin De Bruyne eftir góðan undirbúning hans og Gundogan, tók eina snertingu og kláraði vel með hægri fæti í vinstra hornið. Fleiri urðu mörkin ekki og lokatölur því 3:1 fyrir gestunum frá Manchester.
Eins og áður kom fram er City því komið á topp deildarinnar en liðið er með 51 stig, líkt og Arsenal. Lundúnaliðið á þó leik til góða og getur því endurheimt toppsætið þegar sá leikur verður spilaður.
| Arsenal | 1:3 | Man. City |
|
|---|---|---|---|
| Eddie Nketiah (Arsenal) á skot framhjá Aftur fær Nketiah hörku skallafæri! Góð fyrirgjöf og Nketiah er aleinn en hann nær bara ekki að stýra þessu á markið. | |||
Óskar atbeina Alþingis vegna byrlunar
„Ég veit hver aðkoma ráðuneytisins var“
Vottar Jehóva fyrir áfrýjunardómstól
/frimg/1/46/36/1463611.jpg)
„Það er búið að þvarga hérna fram og til baka“
Um 90 milljónir í vanskilum