Tekur ekki við Southampton eftir allt

Bandaríski knattspyrnustjórinn Jesse Marsch tekur ekki við Southampton, eins og margir breskir miðlar hafa greint frá undanfarna daga.

Þetta kemur fram á Telegraph. Southampton leitar nú að stjóra til að taka við af Nathan Jones, sem var rekinn eftir tap gegn Wolves í ensku úrvalsdeildinni á laugardag.

Félagið ræddi við Marsch, en þær viðræður hafa nú siglt í strand, þar sem félagið er ekki reiðubúið að gefa þeim bandaríska langtímasamning.

Ruben Selles mun því stýra Southampton-liðinu gegn Chelsea um helgina, áður en ákvörðun um næstu skref verður tekin.  

• Blogga um frétt