Liverpool skoraði sjö gegn United
Setja bókamerki
Liverpool vann ótrúlegan 7:0-heimasigur á Manchester United í ensku úrvalsdeildinni í fótbolta á Anfield í kvöld.
Staðan í hálfleik var 1:0, eftir að Cody Gakpo skoraði eftir sendingu frá Andy Robertson. Fáir bjuggust við því að Liverpool myndi skora sex mörk í seinni hálfleik, en sú varð raunin.
Darvin Núnez skoraði það fyrsta á 47. mínútu og þremur mínútum síðar skoraði Gakpo sitt annað mark. Mo Salah breytti stöðunni í 4:0 á 66. mínútu og Núnez skoraði sitt annað mark og fimmta mark Liverpool á 75. mínútu.
Salah bætti við sínu öðru marki og sjötta marki Liverpool á 83. mínútu og varamaðurinn Roberto Firmino gerði sjöunda markið á 88. mínútu og niðurlæging United var fullkomnuð.
United er í þriðja sæti með 49 stig og Liverpool í fimmta með 42 stig, þremur stigum frá Tottenham og er með leik til góða.
| Liverpool | 7:0 | Man. Utd |
|
|---|---|---|---|
| Það verða að minnsta kosti þrjár mínútur í uppbótartíma. | |||
Of mikil einföldun að skella skuldinni á geðrof
Ábatinn gæti verið meiri en áhættan
„Ljósið lifir“
Úrskurðaður í nauðungarvistun þegar morðin voru framin
Vilja svör um hvort Ásthildur hafi boðið 2% hækkun
Stórbætt eftirlit með nýjum ratsjám