Í hópnum eftir að hafa sigrast á krabbameini

David Brooks, leikmaður Bournemouth, er á varamannabekk liðsins gegn Liverpool í ensku úrvalsdeildinni í dag, hálfu öðru ári eftir að hafa greinst með krabbamein.

Brooks var síðast í leikmannahópnum þann 2. október 2021 en hann greindi frá því í maí á síðasta ári að hann hefði sigrast á krabbameininu. 

Brooks, sem er 25 ára gamall og hefur leikið með Bournemouth frá árinu 2018, hefur spilað 21 landsleik fyrir Wales en hann skrifaði undir nýjan samning við Bournemouth síðasta sumar.

• Blogga um frétt