Íþróttir | Enski boltinn | mbl | 20.3.2023 | 11:15

Bjarni: Þvílíkt stig fyrir Everton á útivelli

Í Vellinum á Símanum Sport í gær var rætt um 2:2-jafntefli Chelsea og Everton í ensku úrvalsdeildinni í knattspyrnu á laugardag.

Ellis Simms jafnaði metin fyrir Everton einni mínútu fyrir leikslok með sínu fyrsta marki fyrir uppeldisfélagið.

„Simms hefur verið í brasi líkamlega og Sean Dyche [knattspyrnustjóri Everton] hefur talað um það á blaðamannafundi að hann þurfi að vera sterkari ef hann ætlar að fá að spila meira.

Hann hefur verið að lenda í veseni, sérstaklega þegar hann byrjaði gegn Liverpool. Þarna gerði hann þetta frábærlega og þvílíkt stig fyrir Everton á útivelli,“ sagði Bjarni Þór Viðarsson.

Umræður Bjarna Þórs, Margrétar Láru Viðarsdóttur og Tómasar Þórs Þórðarsonar um leikinn má sjá í heild sinni í spilaranum hér að ofan.