Hollywood-stjörnurnar hræddar við Sir Alex

Bandarísku leikararnir Rob McElhenney og Ryan Reynolds, sem eiga knattspyrnufélagið Wrexham, sem leikur í ensku E-deildinni, voru stressaðir áður en þeir fengu að ræða við Sir Alex Ferguson, fyrrverandi knattspyrnustjóra Manchester United.

Í innslagi sem félagið birti á Twitter-síðu sinni, má sjá þá félaga bíða eftir myndbandsspjalli við Sir Alex, en Wrexham og Manchester-liðið mætast í æfingaleik á undirbúningstímabilinu fyrir næstu leiktíð.

Í meðfylgjandi myndskeiði má sjá Sir Alex taka McElhenney og Reynolds út af laginu, með því einu að horfa á þá. Föttuðu þeir ekki að ekki var kveikt á hljóðinu þegar þeir reyndu að ræða við Skotann. 

Myndbandið skemmtilega má sjá í spilaranum hér fyrir neðan.

• Blogga um frétt