Sóknarmaður Liverpool meiddur

Roberto Fir­mino, sókn­ar­maður Li­verpool, er meidd­ur og mun því ekki taka þátt í leik liðsins gegn nýliðum Nott­ing­ham For­est í ensku úr­vals­deild­inni í knatt­spyrnu á morg­un.

Fir­mino, sem mun yf­ir­gefa Li­verpool að yf­ir­stand­andi tíma­bili loknu, er að glíma við vöðvameiðsli.

Á blaðamanna­fundi í dag greindi Jür­gen Klopp, knatt­spyrn­u­stjóri Li­verpool, frá því að Fir­mino gæti ekki tekið þátt í leikn­um á morg­un vegna meiðsl­anna en að ekki væri um sér­lega al­var­leg meiðsli að ræða.

Í til­kynn­ingu frá fé­lag­inu í kjöl­far blaðamanna­fund­ar­ins sagði að reiknað væri með því að Fir­mino myndi missa af næstu þrem­ur leikj­um Li­verpool.

Að öðru leyti eru flest­ir leik­menn Li­verpool leik­fær­ir. Hinir ungu Stef­an Bajcetic og Cal­vin Ramsay eru báðir frá út tíma­bilið og Naby Keita er enn meidd­ur.

Leik­ur Li­verpool og For­est hefst klukk­an 14 á morg­un og verður sýnd­ur í beinni út­send­ingu hér á mbl.is.

• Blogga um frétt