Enn syrtir í álinn hjá Leeds
Setja bókamerki
Fulham vann góðan sigur á Leeds United, 2:1, í fyrsta leik dagsins í ensku úrvalsdeildinni í knattspyrnu.
Eftir markalausan fyrri hálfleik kom Harry Wilson heimamönnum í Fulham í forystu eftir tæplega klukkutíma leik.
Hann skoraði þá með glæsilegu skoti á lofti sem fór í þverslána og inn í kjölfar þess að Illan Meslier hafði slegið fyrirgjöf Willians frá vinstri frá en heldur skammt.
Á 72. mínútu tvöfaldaði Andreas Pereira forystuna er hann skoraði í autt netið af örstuttu færi eftir að Meslier tókst ekki að handsama fyrirgjöf frá vinstri.
Sjö mínútum síðar minnkaði varamaðurinn Patrick Bamford muninn með skoti af markteig í kjölfar darraðardans.
Fleiri urðu mörkin ekki og syrtir því enn í álinn hjá Leeds í fallbaráttunni. Áfram er liðið í 16. sæti með 29 stig en þrjú af fjórum liðum fyrir neðan liðið, Everton, Nottingham Forest og Leicester City, eiga leik til góða.
Fulham er á góðu róli í níunda sæti deildarinnar, nú með 45 stig.
„Þau bara ætla ekki að gefa sig“
Sjö hús rýmd á Patreksfirði
Mikið vatn ógnaði rafmagni og tölvukerfum
„Þetta er algjörlega geðveikt“
Óvissustigi lýst yfir á Austfjörðum
„Tíminn er að renna frá okkur“
Aukin áhersla á samtal um varnarmál