Lagðist undir hnífinn vegna ökklabrots

Andreas Pereira, sóknartengiliður enska knattspyrnuliðsins Fulham, er ökklabrotinn og verður því lengi frá æfingum og keppni.

Frétt af mbl.is

Tveir lykilmenn nýliðanna frá út tímabilið

Pereira meiddist illa eftir samstuð við Manuel Akanji, miðvörð Manchester City, í leik liðanna í ensku úrvalsdeildinni á sunnudag.

Strax varð ljóst að hann yrði ekki meira með á tímabilinu og í morgun fór Pereira svo í myndatöku sem leiddi í ljós að ökklinn er brotinn.

Gekkst Pereira undir skurðaðgerð í dag og væntir Fulham þess að hann snúi aftur síðar á árinu.

Þá er miðvörðurinn Tim Ream handleggsbrotinn og þarf sömuleiðis að gangast undir aðgerð vegna brotsins.

Hann meiddist líkt og Pereira í leiknum gegn Man. City og verður frá í nokkra mánuði.

• Blogga um frétt