„Við vorum í krísu“

Jur­gen Klopp, knatt­spyrn­u­stjóri enska úr­vals­deild­arliðsins Li­verpool, viður­kenn­ir að liðið hafi gengið í gegn­um krísu fyrr í vet­ur þegar ekk­ert gekk upp hjá fé­lag­inu en bind­ur von­ir við að fé­lagið hafi þrosk­ast á þessu tíma­bili.

Liðið vann báðar bik­ar­keppn­irn­ar á Englandi á síðasta tíma­bil og var ná­lægt því að vinna ensku úr­vals­deild­ina sem og Meist­ara­deild Evr­ópu. Á þessu tíma­bili kem­ur hins­veg­ar eng­inn bik­ar í hús og liðið hef­ur verið langt frá sínu besta í öll­um keppn­um. Liðið hef­ur þó unnið síðustu fimm leiki sína í deild­inni.

Það er mögu­leiki á að liðið nái fjórða sæti ensku úr­vals­deild­ar­inn­ar á þessu tíma­bili en þá þarf liðið að vinna síðustu fjóra leiki sína og von­ast til að erkifjend­urn­ir í Manchester United tapi stig­um.

„Þetta er búið að vera gríðarlega erfitt tíma­bil fyr­ir okk­ur. Auðvitað líður okk­ur aðeins bet­ur núna eft­ir að hafa unnið nokkra leiki í röð, það breyt­ist allt and­rúms­loftið við að vinna nokkra leiki,“ sagði Klopp í sam­tali við Sky Sports.

„Hvernig þú hag­ar þér í krísu seg­ir þér margt um hvernig þú verður eft­ir krís­una. Mér fannst við kom­ast í gegn­um hana ágæt­lega en vit­um að við erum ábyrg­ir fyr­ir þessu og þurf­um að finna lausn­ir á þessu sam­an.

Mun­ur­inn á þess­um klúbbi og mörg­um öðrum er sá að þjálf­ar­inn hefði verið rek­inn hjá mörg­um öðrum klúbb­um. Það er ekki gam­an að vera rek­inn en á hinn bóg­inn þá var­ir krís­an stutt ef þú ert lát­inn fara.“

Li­verpool mæt­ir Brent­ford kl. 16:30 í dag og verður leik­ur­inn í beinni texta­lýs­ingu á mbl.is.

• Blogga um frétt