Stelur City heimsmeistaranum af Liverpool?
Setja bókamerki
Manchester City hefur blandað sér í baráttuna um argentínska knattspyrnumanninn Alexis Mac Allister.
Það er breski miðillinn Mirror sem greinir frá þessu en Mac Allister, sem er 24 ára gamall, hefur verið sterklega orðaður við Liverpool undanfarnar vikur.
Hann hefur nú þegar samið um kaup og kjör við forráðamenn Liverpool en talið er að enska félagið þurfi að borga Brighton í kringum 60 milljónir punda fyrir leikmanninn.
Fullkominn arftaki Gündogans
Það bendir allt til þess að fyrirliði City, Ilkay Gündogan, sé á förum frá félaginu í sumar þegar samningur hans rennur út.
Forráðamenn City eru sagðir horfa til Mac Allister sem fullkomins arftaka fyrir Gündogan en City varð enskur meistari, þriðja árið í röð, á dögunum.
Mac Allister hefur komið við sögu í 33 leikjum með Brighton á tímabilinu þar sem hann hefur skorað tíu mörk. Þá varð hann heimsmeistari með Argentínu í desember á síðasta ári.
Fordæmalaust fárviðri sem gæti orðið sögulegt
Sviptur leyfi eftir hundamisnotkun
Fer annan hring í borginni og framkvæmdir frestast
„Svakalega öflug lægð“
Þúsundir flýja heimili sín á ný
„Hefur tekist að virkja fólkið í landinu með okkur“
„Breytir ekki okkar viðbúnaði“
„Það þarf einhverja viðhorfsbreytingu“