Til United á átta milljarða?

Enska knattspyrnufélagið Manchester United undirbýr nú 45 milljóna punda tilboð í Jordan Pickford, markvörð Everton. 

Frá þessu greina enskir miðlar en Englendingurinn er sagður vera efstur á óskalista Erik ten Hag, stjóra liðsins, yfir mögulega eftirmenn Spánverjans David de Gea, sem er sagður vera á förum frá félaginu. 

Samkvæmt miðlunum metur ten Hag landsleikjareynslu Pickford mikið, en hann hefur verið landsliðsmarkvörður Englands í nokkur ár. 

Everton er sagt vera með stærsta launakostnað allra félaga, að aðskildum „topp sex liðunum“, en það hefur ekki skilað sér á vellinum síðustu ár. Everton-menn eru sagðir vilja rétta úr kútnum og gætu verið tilbúnir að selja landsliðsmarkvörðinn í sumar.

• Blogga um frétt