Höfnuðu stóru tilboði frá Manchester United

Forráðamenn enska knattspyrnufélagsins Chelsea höfnuðu öðru tilboði Manchester United í enska miðjumanninn Mason Mount á dögunum.

Það er Sky Sports sem greinir frá þessu en tilboðið hljóðaði upp á 50 milljónir punda.

Frétt af mbl.is

Chelsea hafnaði tilboði United

Mount, sem er 24 ára gamall, hefur verið sterklega orðaður við United undanfarnar vikur en samningur hans við Chelsea rennur út næsta sumar.

Mount er uppalinn hjá Chelsea og á að baki 195 leiki fyrir félagið í öllum keppnum þar sem hann hefur skorað 33 mörk.

Chelsea vill fá í kringum 60 milljónir punda fyrir hann og því ekki langt á milli liðanna en talið er næsta víst að Mount yfirgefi Stamford Bridge í sumar.

• Blogga um frétt