Belgíski knattspyrnumaðurinn Eden Hazard tilkynnti í morgun að skórnir væru komnir upp í hillu.
Eftir erfið ár hjá Real Madríd ákvað Hazard að láta staðar numið en áhorfendur ensku úrvalsdeildarinnar muna eftir vængmanninum sem einum hæfileikaríkasta leikmanni sem spilað hefur í deildinni er hann lék með Chelsea um langt árabil.
Af því tilefni að töframaðurinn hefur lagt skóna á hilluna ákvað úrvalsdeildin að taka saman nokkur af fallegustu tilþrifum Hazards á ferli hans með Chelsea.
Myndskeið af Hazard að leika listir sínar má sjá í spilaranum hér að ofan, en mbl.is færir ykkur efni úr enska boltanum í samstarfi við Símann Sport.