„Hann kemur inn á, var ógeðslega lélegur, og svo kórónar hann eigin frammistöðu með því að slá í puttana á Jérémy Doku og er með stæla,“ sagði umsjónarmaðurinn Bjarni Helgason í Fyrsta sætinu þegar rætt var um enska boltann. 

Byrjaði á bekknum

Antony, sóknarmaður Manchester United, átti ekki góðan dag þegar liðið tapaði gegn Manchester City, 3:0, í nágrannaslag ensku úrvalsdeildarinnar á Old Trafford í Manchester á sunnudaginn var.

Frétt af mbl.is

Haaland með tvö mörk og stoðsendingu (myndskeið)

Antony, sem byrjaði á bekknum í leiknum og kostaði 82 milljónir punda, kom inn á sem varamaður á 86. mínútu en tókst ekki að setja mark sitt á leikinn en hann er næstdýrasti leikmaður í sögu félagsins.

Heppinn að fá ekki rautt

„Áður en Doku byrjaði að dingla puttanum reyndi hann að sparka hann niður og þetta var í raun bara eitthvert spark út í loftið. Hann var heppinn að fá ekki rautt spjald,“ sagði Jökull Þorkelsson, íþróttablaðamaður á mbl.is og Morgunblaðinu.

„Hann sat á varamannabekknum, hristandi hausinn og horfandi út í loftið, og kemur svo inn á með þessa frammistöðu,“ sagði Jökull meðal annars en þá var því einnig velt upp hvort Antony væru verstu kaupin í sögu United.

Hægt er að hlusta á umræðuna í heild í spil­ar­an­um hér fyr­ir ofan eða með því að smella hér en umræðan um Manchester United hefst á mínútu 2:00. Þátt­ur­inn er einnig aðgengi­leg­ur á öll­um helstu hlaðvarps­veit­um.

Tengdar fréttir

Fyrsta sætið

Góðvinur Arnars varaði hann við eftir komu Gylfa

• Ósammála landsliðsþjálfaranum um Gylfa Þór
• „Ert ekki að velta því fyrir þér þegar þú færð sparkið“
• „Menn láta misgáfulega hluti út úr sér“
• „Það er ekkert vont í samanburði við það að fæða barn“

» Fleiri tengdar fréttir

• Blogga um frétt