Verður sú fyrsta í sögunni

Rebecca Welch verður á morgun fyrsta konan til að gegna starfi fjórða dómara í sögu ensku úrvalsdeildarinnar í fótbolta.

Welch verður á hliðarlínunni er Fulham og Manchester United mætast á Craven Cottage í London á morgun.

Hefur Welch verið dugleg að skrifa söguna því hún er fyrsti og eini kvendómarinn sem hefur dæmt leiki í fjórum efstu deildum Englands. Þá er hún einnig eini kvendómarinn sem hefur verið aðaldómari í ensku bikarkeppninni.

• Blogga um frétt