Umdeilda markið í Newcastle skoðað (myndskeið)
Setja bókamerki
Tómas Þór Þórðarson og Gylfi Einarsson fóru yfir markið umdeilda sem skildi Newcastle og Arsenal að í stórleik helgarinnar í ensku úrvalsdeildinni í fótbolta.
Mark sem var skoðað frá þremur vinklum
Á 64. mínútu leiksins komst Newcastle yfir með marki Anthony Gordon. Fyrst átti Jacob Murphy skot á markið sem fór nánast í innkast en Joe Willock virtist ná boltanum áður en hann fór útaf og kom honum fyrir. Þar var Joelinton í baráttu við varnarmann Arsenal og hafði betur, David Raya missti af boltanum og Gordon var einn á auðum sjó og setti boltann í netið.
Það tók reyndar nokkrar mínútur að staðfesta markið en þrjú atriði voru skoðuð í VAR-herberginu í aðdraganda marksins sem Newcastle skoraði. Fyrst var skoðað hvort boltinn hefði farið útaf áður en Joe Willock sendi fyrir markið. Svo var skoðað hvort Joelinton hefði verið brotlegur í teignum í baráttu um boltann og að lokum var skoðað hvort Gordon hefði verið rangstæður þegar hann fékk boltann áður en hann setti boltann yfir línuna.
Að lokum komst dómarateymið að þeirri niðurstöðu að boltinn hefði ekki farið útaf, Joelinton hafi ekki gerst brotlegur og Gordon ekki verið rangstæður. Því stóð markið.
Gylfi hrósaði varamönnunum
Þeir Tómas og Gylfi voru sammála um að afskaplega erfitt hafi verið fyrir dómara leiksins og myndbandsdómarana að skera úr um þessi vafaatriði en Gylfi hrósaði varamönnum Newcastle, þeim Jacob Murphy og Joe Willock fyrir þeirra þátt í markinu.
Svipmyndir úr leiknum má sjá í spilaranum hér fyrir ofan, en mbl.is færir ykkur efni úr enska boltanum í samvinnu við Símann Sport.
Bæjarstjórinn ósammála ritara Sjálfstæðisflokksins
Ólína: „Þeir eru oft aulalegir í málflutningi“
Einn játað sök í stóra fíkniefnamálinu
Ísland verði ekki að „fyrirheitnu landi hælisleitenda“
Fluttur á Hólmheiði af öryggisástæðum
„Vandamálið er ekki fólkið hérna inni“
Hyggst leiða ríkisstjórnina til enda
