Ítalski stjórinn aðvaraður af knattspyrnusambandinu

Enska knattspyrnusambandið hefur varað ítalska knattspyrnustjórann Roberto De Zerbi formlega við vegna hegðunar sinnar og ummæla í garð dómara á tímabilinu.

De Zerbi, sem er stjóri Brighton & Hove Albion hefur verið gjarn á að láta enska dómara heyra það á meðan leikjum stendur og sömuleiðis látið skoðanir sínar á þeim í ljós eftir leiki.

„Þetta er ekk­ert nýtt. Mér lík­ar illa við 80 prósent dóm­ar­a í ensku úr­vals­deild­inni og ég er ekki hrif­inn af hegðun þeirra inni á vell­in­um. 

Eng­land er líka eina landið þar sem þú veist aldrei hvort ákv­arðanir VAR-mynd­bands­dómgæsl­unn­ar séu rétt­ar. Ég skil ekki hvernig VAR virk­ar á Englandi,“ sagði hann eftir 1:1 jafntefli Brighton og Sheffield United um þarsíðustu helgi.

Haldi De Zerbi áfram að hegða sér með þessum hætti má hann eiga von á leikbanni og/eða sektum í framtíðinni.

• Blogga um frétt