Havertz kom Arsenal á toppinn

Arsenal mætti Brentford í ensku úrvalsdeildinni í knattspyrnu og þurfti þrjú stig til þess að tryggja sér toppsætið í deildinni, sem liðið gerði með 1:0 sigri á útivelli.

Leikurinn var markalaus í hálfleik en mark Leonardo Trossard á 42. mínútu fékk ekki að standa vegna rangstöðu og Declan Rice bjargaði á línu eftir mistök frá Aaron Ramsdale á 12. mínútu.

Á 79. mínútu náði Kai Havertz að skora sigurmark Arsenal í leiknum eftir stoðsendingu frá Bukayo Saka. 

Saka sendi boltann með vinstri á fjærstöngina og þar stangaði Havertz boltann inn, þetta mikilvæga mark var hans fyrsta fyrir Arsenal frá því að hann kom í sumar.

Arsenal er nú á toppi deildarinnar með 30 stig, einu stigi fyrir ofan Manchester City og tveimur fyrir ofan Liverpool í þriðja sæti.

• Blogga um frétt