Sterkur sigur Villa á Tottenham

Tottenham og Aston Villa mættust í spennandi leik í 13. umferð ensku úrvalsdeildar karla í knattspyrnu í dag. sem fór 2:1 fyrir Aston Villa á útivelli í London.

Þetta var þriðja tap Tottenham í röð en liðið er nú með 26 stig í fimmta sæti. Aston Villa tók fjórða sætið í deildinni af þeim og er þar með 28 stig.

Leikurinn byrjaði af krafti og eftir aðeins tíu mínútur voru komnar sjö marktilraunir. Destiny Udogie byrjaði leikinn í dauðafæri á 3. mínútu þegar hann fékk sendingu á bak við vörnina, náði ágætis stjórn á boltanum en negldi honum svo yfir mark Villa. 

Á sömu mínútu var Tottenham aftur í færi en þá var það Dejan Kulusevski sem fór fram hjá varnamanni og þrumaði boltanum í stöngina eftir sendingu frá Heung-min Son. 

Pau Torres fékk svo fyrsta færi leiksins hjá Aston Villa stuttu síðar þegar hann skallaði boltann rétt fram hjá eftir aukaspyrnu. 

Bryan Gil fékk frábært færi á 8. mínútu eftir skemmtilega hælsendingu frá Kulusevski  sem varð til þess að Gil var mættur einn á móti markmanni en Martínez gerði vel í markinu og varði.

Þegar um stundarfjórðungur var liðinn fengu bæði liðin fín færi en flaggið fór á loft í bæði skiptin, Son skaut yfir eftir flottan undirbúning frá Johnson  og stuttu síðar var Kulusevski  mættur einn á móti Martínez sem varði. 

Fyrsta mark leiksins kom svo á 22. mínútu sem Giovani Lo Celco skoraði eftir hornspyrnu. Boltinn barst út í teiginn þar sem Lo Celco var einn og hann þrumað honum í netið, 1:0 fyrir Tottenham. 

Son Heung-min og Giovani Lo Celso fagna eftir að Lo Celso kom Tottenham yfir í leiknum í dag. AFP/Ben Stansall

Ollie Watkins hélt að hann hefði jafnað metin aðeins tveimur mínútum síðar þegar hann skoraði fyrsta rangstöðumark leiksins en þau voru fjögur í heildina. 

Rodrigo Bentancur  fór meiddur af velli eftir um hálftíma leik en þetta var fyrsti leikur hans í byrjunarliði frá því að hann sleit krossband í hné. Hann fór niður eftir tæklingu frá Matty Cash. 

Á 44. mínútu setti Son boltan í netið en flaggið fór á loft, þetta var hans fyrsta rangstöðumark í leiknum en ekki síðasta. 

Son Heung-Min skoraði þrú mörk í leiknum en öll voru dæmd af. AFP/ Ben Stansall

Á síðustu mínútu uppbótartíma jafnaði svo Pau Torres  metin fyrir Villa með skallamarki eftir aukaspyrnu sem Douglas Luiz tók og staðan því 1:1 í hálfleik. 

Son Heung-min var nálægt því að skora í upphafi seinni hálfleiks en skallaði boltann rétt yfir netið. 

Son var svo aftur á ferðinni á 59. mínútu þegar hann skoraði rangstöðumark eftir sendingu frá Johnson, sem var líka rangstæður.   

Ollie Watkins skoraði svo annað mark Villa á 61. mínútu eftir að taka 1, 2 með Tielemans  inn í teig Tottenham og lauma honum fram hjá Vicario. 

Ollie Watkins fagnar markinu sem hann skoraði gegn Tottenham í dag. AFP/Ben Stansall

Son fullkomnaði síðan rangstöðuþrennu á 85. mínútu þegar hann náði frákastinu af skoti Porro sem fór í stöngina. 

Fleiri mörk komu ekki, hvorki rangstæð né lögleg og leikurinn endaði 2:1 fyrir Villa. 

Tottenham	1:2	Aston Villa	Opna lýsingu Loka
90. mín. Sex mínútum bætt við þennan hálfleik líkt og fyrri.
Augnablik — sæki gögn...

• Blogga um frétt