Markaskorara Liverpool verður ekki refsað
Setja bókamerki
Trent Alexander-Arnold, leikmanni enska knattspyrnufélagsins Liverpool, verður ekki refsað fyrir það hvernig hann fagnaði marki sínu gegn Manchester City í leik liðanna í ensku úrvalsdeildinni um nýliðna helgi.
James Pearce, blaðamaður hjá The Athletic, greinir frá þessu en leiknum lauk með jafntefli, 1:1, á Etihad-vellinum í Manchester.
Alexander-Arnold jafnaði metin fyrir Liverpool á 80. mínútu með frábæru skoti og hljóp hann í átt að stuðningsmönnum Manchester City og sussaði á þá þegar hann fagnaði markinu.
Samkvæmt reglum enska knattspyrnusambandsins eiga leikmenn það á hættu að fá gult spjald fyrir að ögra andstæðingum sínum en Chris Kavanagh, dómari leiksins, ákvað að sýna Alexander-Arnold ekki gula spjaldið fyrir fögnuðinn.
Enskir miðlar fjölluðu um það um helgina að Alexander-Arnold gæti átt von á refsingu en Pearce greinir frá því að atvikið sé ekki til skoðunar hjá knattspyrnusambandinu.
Ekki of seint að fá inflúensusprautuna
„Þetta er ógnvænleg staða“
Náðun stuðningsmanna Trump vekur ólík viðbrögð
Viðurkennir ábyrgð og segir af sér
Bendir hveitifyrirtæki á kærumöguleika
Stefnt að afgreiðslu Íslandsbankasölu á vorþingi
Skotinn til bana við skyldustörf