Endurkoma undir Sancho komin
Setja bókamerki
Erik ten Hag, knattspyrnustjóri enska úrvalsdeildarliðsins Manchester United, segir að endurkoma Jadon Sancho í liðið sé algerlega undir honum sjálfum komin.
Hinn 23 ára gamli Sancho hefur æft utan aðalliðshóps Ten Hag eftir að hafa ekki lagt sig nægilega fram á æfingum.
Hver einasti þarf að mæta kröfum
„Hann veit hvað hann þarf að gera, þetta er undir honum sjálfum komið,“ sagði Ten Hag á blaðamannafundi í aðdraganda leiks Manchester United og Bournemouth í ensku úrvalsdeildinni.
Hollendingurinn hefur verið staðráðinn í að bæta agamálin innan Manchester United síðan hann tók við liðinu fyrir um einu og hálfu ári.
„Þetta snýst um menningu og hver einasti leikmaður þarf að mæta ákveðnum kröfum.“
Á síðasta tímabili varði Sancho þremur mánuðum í baráttu við líkamlega og andlega erfiðleika. Hann hefur skorað 12 mörk fyrir United í 82 leikjum en hefur ekki leikið síðan liðið lagði Nottingham Forest í ensku úrvalsdeildinni í lok ágúst.
Leikur Manchester United og Bournemouth hefst klukkan 15 á Old Trafford, heimavelli Manchester United í dag. Mbl.is fylgist vel með og færir ykkur það helsta úr leiknum í beinni textalýsingu.
Kvikusöfnun 80% af því sem var fyrir síðasta gos
„Ég er bara vongóður“
Skúli sýknaður en 780 milljóna greiðslum rift
„Þetta var hræðileg stund“
Ný könnun: Sjálfstæðisflokkur dalar enn
„Tómthússkattur“ bitnar einnig á landsbyggðarfólki
/frimg/1/51/19/1511999.jpg)
Lenda í háska í óskipulögðum jöklaferðum