Vilja metfé fyrir miðjumanninn
Setja bókamerki
Forráðamenn enska knattspyrnufélagsins Aston Villa hafa sett háan verðmiða á brasilíska miðjumanninn Douglas Luiz.
Það er Sky Sports sem greinir frá þessu en Luiz, sem er 25 ára gamall, hefur verið orðaður við Arsenal, Manchester City og Liverpool að undanförnu.
Vefmiðillinn 90min greindi frá því að Arsenal ætlaði sér að leggja fram tilboð í leikmanninn þegar janúarglugginn verður opnaður.
Sky Sports greinir frá því að Aston Villa hafi sett 100 milljón punda verðmiða á miðjumanninn til þess að fæla önnur félög frá en hann hefur verið einn besti leikmaður liðsins á tímabilinu sem situr í þriðja sæti úrvalsdeidlarinnar með 35 stig, tveimur stigum minna en topplið Liverpool.
Luiz gekk til liðs við Aston Villa frá Manchester City sumarið 2019 og á að baki 175 leik fyrir félagið í öllum keppnum þar sem hann hefur skorað 18 mörk og lagt upp önnur 18. Þá á hann að baki 11 A-landsleiki fyrir Brasilíu. Hann er samningsbundinn Aston Villa til sumarsins 2026
140 þurfa að yfirgefa heimili sín
Vara við aukinni snjóflóðahættu á Austfjörðum
Vopnahléi frestað
Appelsínugul viðvörun á Austurlandi og Austfjörðum
Frekari rýming á Seyðisfirði
Ísland í úrslitaleik eftir risasigur
Segir fordæmingu barnaníðinga skaðlega
Orðið lúxusvandamál að velja lögin