Arteta verður ekki refsað

Mikel Arteta, knattspyrnustjóri karlaliðs Arsenal, verður ekki refsað fyrir ummæli sín eftir leik liðsins gegn Newcastle í ensku úrvalsdeildinni þann 4. nóvember. 

Arsenal tapaði leiknum, 1:0, en Arteta var alla annað en sáttur við að sigurmark Newcastle hafi fengið að standa og sagði hann í viðtöl­um eft­ir leik að ákvörðunin hafi verið hneyksli.

Arsenal sendi í kjölfarið frá sér yfirlýsingu þess efnis að dómgæsl­an í ensku úr­vals­deild­inni ætti langt í land.

Arteta var síðan kærður af enska knattspyrnusambandinu en óháð eftirlitsnefnd komst að þeirri niðurstöðu að kæran væri ekki gild. 

• Blogga um frétt