Andrúmsloftið á Anfield aldrei verið verra

Gary Neville, fyrrverandi leikmaður Manchester United og núverandi sparkspekingur, segist aldrei áður hafa upplifað jafn slæmt andrúmsloft á Anfield og í gær þegar Liverpool og Man. United gerðu markalaust jafntefli í ensku úrvalsdeildinni í knattspyrnu.

Neville hefur áður hrósað andrúmsloftinu á Anfield en var hissa á hve lítill hávaði og stemning væri á leikvanginum í Liverpool í gær.

„Ég hef ávallt hrósað stuðningsmönnum Liverpool. Þeir hafa ekki verið með jafn marga áhorfendur hér í 60 eða 70 ár en ég hef aldrei upplifað jafn lágværa áhorfendur í þessari viðureign.

Ég veit ekki hvað var að þeim í dag. Kannski var of mikið sjálfstraust fyrir leikinn þar sem fólk klæddist jólapeysum sem minna á 7:0-leikinn og svoleiðis,“ sagði Neville er hann fjallaði um leikinn fyrir Sky Sports.

• Blogga um frétt