Mourinho gerði stólpagrín að Arsenal

Portúgalski knattspyrnustjórinn José Mourinho hefur enga trú á Arsenal í baráttunni um Englandsmeistaratitilinn í ár.

Mourinho, sem er sextugur, stýrir í dag Roma í ítölsku A-deildinni en hann gerði Chelsea þrívegis að Englandsmeistara.

Hann hefur einnig stýrt Manchester United og Tottenham í ensku úrvalsdeildinni en United vann Evrópudeildina undir hans stjórn árið 2017 og varð deildabikarmeistari sama ár.

Manchester City líklegastir

„Það eru 51% líkur á því að Manchester City verði Englandsmeistari,“ sagði Mourinho í hlaðvarpsþættinum The Obi One Podcast sem er í umsjón knattspyrnumannsins fyrrverandi John Obi Mkel.

„Það eru 49% líkur á því að Liverpool verði Englandsmeistari,“ sagði Mourinho svo en Obi Mikel spurði hann næst hvort Arsenal myndi ekki blanda sér í baráttuna.

„Nei,“ sagði Mourinho og hristi hausinn og uppskar um leið mikil hlátrasköll frá þáttastjórnandanum.

• Blogga um frétt